أنا شقيت نفسي مربضة قلت حبيب يدواى
موصاب بعلة فريدة موصايبة كل هاوي
أنا قلبي رايح تريدة مع كبدتي والكلاوي
من بنت شقراء عريضة والجوف كيف المطاوي
نصاب تحتي مصيدة بشركها والتلاوي
ماهي خفيفة عنيدة عناد حب خالي المساوي
وفي الخلق عالي رصيدة ماتهماش الشهاوي
حسنة وفي الوصف كيدة تصعب على كل راوي
تقول ريم مسروس وليدة بدلان في درب الخطاوي
قطاف العشب الجويدة ركاب سفوف العلاوي
وين لقطة غريبة تلقاه راقدة في الحطاوي
وين منثر عويدة ومخرفات الكدواي #
يتبع في عادات سيدة إلى عطف يجمع سراوي
يصعب على من يصيدة سكن فج ماليه تاوي
صباحك أياما سعيدة أللي مر للسفر ناوي
أنتي فال والفال كيدة أنتي فال والفال تاوي #
أللي يحوزك يا نديدة نكثر عليه التناوي
أنتي في جيلك وحيدة حزتي العلى والثناوي
كثير ريت بنووت عتيدة مع زين ولفي هواوي
والعبد إلى أعطاه سيدة ياما يجيب من ضناوي
لو رجعت للب القصيدة قصرت في وصف الغلاوي
بحاجات ياسر فريدة موش كيف ما كنت ناوي


الابيات اللي أمامهم علامة # موش متأكد منهم


تانميرت